|
To elevar frå VG2 Industriteknologi og ein lærling frå Mjøs Metallvarefabrikk AS har nettopp avslutta eit tre veker langt studieopphald i Tyskland.
Vertskap for dei tre var avdelingsleiar for elektro og
metall, Karsten Bøttcher, frå Berufliche Schule des Unstrut-Heinich-Kreises i Mühlhausen i delstaten Thüringen.
Turen var finansiert gjennom EU-programmet Leonardo da
Vinci, mobilitet.
At studieopphaldet fann stat i Mühlhausen i Tyskland
skuldast at skulen var ein av dei 11 partnerane i det nyleg avslutta prosjektet «CNC and Robotics Partnerships» der også Osterøy vidareegåande skule var med.
Eit av dei viktigaste delmåla for dette prosjektet var å få til mobilitet, og vi vil halda fram med å søkja midlar og halda kontakten med andre partnerar i prosjektet slik at det vil bli mogeleg for fleire elevar og lærlingar å reisa
ut.
Den første veka var elevande delvis på skulen og delvis på VHS-Bildungswerk in Thüringen, som er eit treningssenter for mellom annaCNC. Denne institusjonen var også med i CaRPs-prosjektet.
Resten av tida var dei innom tre ulike industribedrifter som dreiv med ulike former for CNC-styrt produksjon, mellom anna deler til bilindustrien og til produksjon av gaffeltruckar.
Dei tre gir uttrykk for at dei hadde eit interessant og lærerikt opphald der dei fekk oppleva både tysk skulesystem og arbeidsliv, og læra om andre kulturar. Ikkje minst var det spennande å bruka engelsk som arbeidsspråk.
Hovudinntrykket dei sit igjen med er at disiplin og respekt er langt sterkare enn det ein opplever i Norge.
Dei vil absolutt anbefala andre å gripa sjansen dersom dei får tilbod om utanlandsopphald. |
Kunnskapsminister Kristin Halvorsen besøkte tirsdag 26. oktober 2010 Osterøy vidaregåande skule. Der fekk ho m.a. orientering om samarbeidet mellom skulen og næringslivet og om Kompetansesenteret for CNC og robot.